აფხაზეთში, საქართველოს ტერიტორიული მთლიანობისათვის ბრძოლაში დაღუპული მებრძოლების ნეშტები სამხედრო პატივით დაკრძალეს
წითელი ჯვრის საერთაშორისო კომიტეტისა და შერიგებისა და სამოქალაქო თანასწორობის საკითხებში საქართველოს სახელმწიფო აპარატის ერთობლივი ძალისხმევით, აფხაზეთის ოკუპირებული ტერიტორიიდან გადმოსვენებულ იქნა 1990-იან წლებში, აფხაზეთში, შეიარაღებული მოქმედებების დროს უგზო-უკვლოდ დაკარგული 8 პირის_ 5 სამხედროს და 3 მშვიდობიანი მოქალაქის იდენტიფიცირებული ნეშტები.
დღეს, 4 მებრძოლის_ აქვსენტი (ტასო) ალექსანდრეს ძე ნაჭყებიას, გურამ დავითის ძე ჩიქოვანის,ვახტანგ (ლესიკა) ჭიჭიკოს ძე დანელიას, სლავიკ ალექსანდრეს ძე გოგოხიას ნეშტები, დიღმის ძმათა სასაფლაოზე, ხოლო ზაურ ილიას ძე დამენიას ნეშტი, ფოთში, საგვარეულო სასაფლაოზე სამხედრო პატივით დაკრძალეს; 3 სამოქალაქო პირი_ გერონტი თედორეს ძე მუშკუდიანი, მაკარ გარსევანის ძე რუხაია და ლიდია ივანეს ასული ჩიხლაძე კი ოჯახების გადაწყვეტილებით, საგვარეულო სასაფლაოებზე დაიკრძალა.
