დღეს, 26 მაისია_ საქართველოს დამოუკიდებლობის დღე!

Posted by nona shamatava

ქვეყნის ეროვნული დღესასწაულისადმი მიძღვნილი მთავარი ღონისძიება დედაქალაქში, თავისუფლების მოედანზე გაიმართა, რომელსაც ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე დაესწრო, სადაც ღვთისა და ერის წინაშე, სამხედრო ფიცი, 247-მა რეკრუტმა დადო და დღეიდან, ისინი, საქართველოს თავდაცვის ძალების სრულუფლებიანი წევრები გახდნენ.

საზეიმო ღონისძიებას, საქართველოს პრეზიდენტი, პრემიერ-მინისტრი, პარლამენტის თავმჯდომარე, აღმასრულებელი, საკანონმდებლო ორგანოს, დიპლომატიური კორპუსის,  წარმომადგენლები, სასულიერო პირები, ასევე, მოწვეული სტუმრები დაესწრნენ. სტუმართა შორის იყვნენ პოლონეთის პრეზიდენტი, ანდჟეი დუდა და უკრაინის თავდაცვის მინისტრი, ანდრი ტარანი, რომლებიც სპეციალურად ამ დღის მოსალოცად ჩამოვიდნენ საქართველოში.

სამხედრო ფიცის დადების შემდეგ, სიტყვით გამოვიდნენ საქართველოს პრეზიდენტი, სალომე ზურაბიშვილი, პრემიერ-მინისტრი ირაკლი ღარიბაშვილი, პარლამენტის თავმჯდომარე კახა კუჭავა, თავდაცვის მინისტრი ჯუანშერ ბურჭულაძე და პოლონეთის პრეზიდენტი ანდჟეი დუდა.

’’მინდა, დღევანდელი დღე მივულოცო ჩვენს გმირ ვეტერანებს_ჩვენი ქვეყნის ერთგულ ჯარისკაცებს! განსაკუთრებით, პატივი მივაგო ყველა იმ გმირს, ვინც თავი გასწირა სამშობლოს თავისუფლებისთვის’’_ აღნიშნა თავის გამოსვლაში ირაკლი ღარიბაშვილმა.

თბილისის პარალელურად, ფიცის დადების ცერემონიალი, საქართველოს სხვადასხვა რეგიონში, 5 ლოკაციაზე გაიმართა: სვანეთში _უშბასა და თეთნულდის კალთებთან, აჭარაში _ პეტრას ციხეზე, სამცხე-ჯავახეთში _ფარავნის ტბასთან, კახეთში _ნეკრესის სამონასტრო კომპლექსსა და წმინდა ქალაქ მცხეთაში.

მოგვიანებით, კობა კობალაძე, წმინდა სამების საპატრიარქო ტაძარში იმყოფებოდა, სადაც კიდევ ერთხელ მიაგო პატივი საქართველოს პირველი რესპუბლიკის ჯარების მთავარსარდალს, ეროვნულ გმირს, გენერალ გიორგი კვინიტაძეს, რომელიც დღეს, მთაწმინდის მწერალთა და საზოგადო მოღვაწეთა პანთეონში, ქაქუცა ჩოლოყაშვილის გვერდით. სამხედრო პატივით  დაკრძალეს.

საბჭოთა რუსეთის მიერ საქართველოს ოკუპაციის შემდეგ, მთავრობისა და სარდლობის სხვა წარმომადგენლებთან ერთად, ემიგრაციაში, საფნაგეთში წასული გენერალი, 1970 წელს გარდაიცვალა. მისი ნეშტი, საქართველოს პრემიერ-მინისტრის ძალისხმევით, საფრანგეთიდან სამშობლოში მიმდინარე წლის 22 მაისს ჩამოასვენეს _ საქართველოს დამოუკიდებლობის დღეს, საუკუნოვანი განშორების შემდეგ, გენერალი, მშობლიურ მიწას დაუბრუნდა.