სპორტ კომპლექს „არენა-1“-ის ტერიტორიაზე ვეტერანების საქმეთა სახელმწიფო სამსახურის ორგანიზებით, ვეტერანების შვილებისა და შვილიშვილებისთვის სპორტული და გასართობი ღონისძიება „მხიარული მარათონი“ გაიმართა.
„მხიარულ მარათონზე“ ბავშვებსა და მოზარდებს შესაძლებლობა მიეცათ საკუთარი ძალები მოესინჯათ მიზანში სროლაში, ბოულინგში, კოშკების აშენებაში. წარმოდგენილი იყო ილუზიონისტების შოუ, პატარებისთვის – თოჯინების თეატრი, საჰაერო აკრობატიკის შოუ.
ბავშვების მხიარულ განწყობაზე ზღაპრის გმირები და ჯამბაზები ზრუნავდნენ, რომლებთანაც სამახსოვრო სურათები გადაიღეს. სხვადასხვა შეჯიბრებებში მონაწილე ბავშვები სიმბოლური საჩუქრებით დასაჩუქრდნენ.
