ვეტერანების საქმეთა სახელმწიფო სამსახურში გაიმართა სამუშაო შეხვედრა, ვეტერანების პოსტტრამვული ფსიქო-რეაბილიტაციის საკითხთან დაკავშირებით.
შეხვედრას დაესწრნენ ვეტერანების საქმეთა სახელმწიფო სამსახურის დირექტორის მოადგილე ჯანდრი უბირია, სოციალურ საკითხთა და სააღრიცხვო-ანალიტიკური დეპარტამენტის უფროსი სულხან აბესაძე და სტრესის მართვის და მენტალური ჯანმრთელობის ცენტრის ხელმძღვანელი გუგა სიხარულიძე.
შეხვედრაზე საუბარი იყო ვეტერანების ფსიქო-რეაბილიტაციის პროგრამების დანერგვასა და მისი განხორციელების გზების მოძიებაზე. ხაზი გაესვა ამ პროცესში საერთაშორისო დონორი ორგანიზაციების ჩართულობას.
