ვეტერანების საქმეთა სახელმწიფო სამსახურის დირექტორი, ვლადიმერ იმნაძე აზერბაიჯანის შაჰიდთა, ინვალიდთა და ვეტერანთა კავშირის მიწვევით, დელეგაციასთან ერთად ვიზიტით იმყოფება აზერბაიჯანის დედაქალაქ ბაქოში.
15 თებერვალს, ქ. ბაქოში, აზერბაიჯანის ვეტერანთა კავშირის ორგანიზებით, შეხვედრა გაიმართა მიწვეულ სტუმრებთან. ღონისძიებას საქართველოს დელეგაციის გარდა, დაესწრნენ უკრაინის, თურქეთის, ავღანეთისა და აზერბაიჯანის ვეტერანთა ორგანიზაციების წარმომადგენლები.
შეხვედრაზე სიტყვით გამოვიდა ყველა ქვეყნის ვეტერანთა სამსახურის ხელმძღვანელი.
ღონისძიება ვეტერანებისადმი მიძღვნილი საზეიმო ცერემონიით დაასრულდა.
