8 აპრილს საქართველოს პარაოლიმპიურ კომიტეტში ამპუტანტ ფეხბურთელთა შორის საქართველოს ჩემპიონატი გაიხსნა. ჩემპიონატის გახსნას ვეტერანების საქმეთა სახელმწიფო სამსახურისა და საქართველოს ფეხბურთის ფედერაციის ხელმძღვანელები დაესწრნენ. პირველი მატჩი გაიმართა გუნდებს შორის თბილისის „თბილისი“ და ზუგდიდის „ოდიში“. ჩემპიონატის მატჩები 6 თვის განმავლობაში ჩატარდება და მასში 6 გუნდი მიიღებს მონაწილეობას. დაგეგმილია ჩემპიონატში მონაწილე გუნდების შემდგენლობებიდან 12 ფეხბურთელის შერჩევა, რომლებიც მიმდინარე წელს, თურქეთში ამპუტანტ ფეხბურთელთა ევროპის ჩემპიონატზე საქართველოს სახელით იასპარეზებენ.
