ვეტერანების საქმეთა სახელმწიფო სამსახურის დირექტორმა ვლადიმერ იმნაძემ და დირექტორის მოადგილემ მირონ ჩიგოგიძემ საზოგადოება საქართველოს პენსიონერთა თანადგომის წარმომადგენლებს უმასპინძლეს. შეხვედრაზე ვეტერანებთან დაკავშირებული პრობლემები და მათი გადაჭრის გზები განიხილეს. სტუმრებმა საკუთარი ხედვები გააცნეს უწყების წარმომადგენლებს და წარმოადგინეს მათ მიერ მომზადებული პროგრამა. პროგრამა მოიცავდა პენსიონერ ვეტერანთა, ომისა და შრომის ვეტერანთა სოციალურ- მატერიალური პირობების გაუმჯობესების გზებს, როგორც ქალაქში ისე სოფლად მცხოვრებთათვის. პროგრამა ითვალისწინებდა სოფლად მცხოვრები პენსიონრების ხელშეწყობას, სოფლის მეურნეობის პროდუქტების წარმოებას და მათს გადამუშავებას, ასევე წარმოებული პროდუქციის რეალიზაციას და მიწოდებას შეღავათიანი პირობებით ქალაქებში მცხოვრები ვეტერანთათვის და პენსიონერებისათვის. საზოგადოება საქართველოს პენსიონერთა თანადგომის თავმჯდომარემ მადლობა გადაუხადა მასპინძლობისათვის და უწყებასთან სამომავლო თანამშრომლობისათვის მზადყოფნა გამოთქვა.
